In het Gaanderhuus vindt op 15 april de gratis cursus Achterhoeks schrijven plaats door Jan Verheijen.
In Gaanderen steet an de Frans Roesstraot ‘n klein iezeren monument ter naogedachtenis an de beroemde schriever Frans Roes, alias Herman van Velzen. Messchien he’j vrogger de vehalen aover Aornt Peppelenkamp ok gelaezen. Duk heur i-j dat Achterhoekers bang zun dat de taal woor zi-j eiges met zun opgegruujd aover een joor of twinteg-derteg niet meer zal bestaon. Wat duch ow?
A’j as inwoner van Gaanderen intresse heb um niet alleen plat te praoten, maor dat ok te kunnen laezen en zelfs schrieven, dan kö’j binnenköt in ‘t Gaanderhuus trech! A’j ‘plat’ wil leren laezen en ok eiges kötte stukskes wil leren schrieven in de officiële WALD-spelling, dan bu’j bi-j ‘t Gaanderhuus van begin april töt half april an ‘t goeie adres. Vanaf dinsdag 1 april is der bi-j genog belangstelling een kötte cursus woorin vehaaltjes van ‘Leo de Eenkennige’ wodden gebruuk en liedjes van Boh Foi Toch, um op ‘n spölse manier te zörgen da’j onze moedertaal leert laezen en schrieven.
De gratis cursus is op di. 1/4 + 8/4 + 15/4 van 19.30 töt 21.00. Pen of potleudje metbrengen! Dan gao’w samen schik maken in ’t Plat! Anmelden bi-j: info@gaanderhuus.nl
