Jos Salemink en Dennis Centen maken regelmatig een ommetje door Gaanderen. Daarbij komen ze van alles aan de weet over het dorp en de inwoners, waar ze in het Achterhoeks over schrijven. Mits ze iemand tegen komen natuurlijk. Zo niet, maken ze er toch een leuk verhaald van. Deze stukjes kregen een vaste plaats in de Gaanderbode, dé dorpskrant van Gaanderen. Hieronder alle stukjes uit het Gaanderbode-archief van 2021
Vage kennis
Door: Jos Salemink en Dennis Centen
januari/februari 2021
Beste Gaanderenaren,
Wiej loopt weers deur Gaander.
Et weerbericht lult van snee, dus dikke Achterhookse søkke an met biejpassende Achterhookse muts tøt diep oaver de oor’n… Goanderweggens, kuw drie sneevlok tel’n die de grond raakt, en de rest is al warmwater reagen geworden veur et op de stoep kletst…
Woar lopen wiej eigenluk heer…? Of… kommen wiej nog iemand tegen?…
Nee!! Tis stil op stroat, der is weinig te melden… Eigenluk geet allus wel zien gangetje moar dan anders… Familie en echte vrienden kommen nog wel eens op bezuuk… moar hoe steed ut met de ‘vage’ kennissen, of kroegmaatjes… al moanden komen wie’j sommige lui helemoal niet meer tegen… En juust die mooie personen maken et leaven leuker… geven tegengas, veroorzaken discussies, hollen oe een spiegel veur… hebben fantastische ideeën en zurgen veur leaven in de brouweriej… oew… wat missen wiej et geouwehoer an de bar… of in een tankstation, de bouwmarkt of gewoon in Durkum op de markt… de tribune van de Graafschap. Lekker slap ouwehoeren oaver voetbal… of lauwe kroketten … Dennis kan ook slap ouwehoeren… moar das geen vage kennus… da’s toch anders…
Oja… As de oavondklok in geet… hew toch nog van ’s margens half 5 tut ’s oavonds 21.00 uur tiet um vage kennissen op te zuuken… Onderschat et neet ze zun echt belangriek in et sociale gebeuren en zurgen der veur daw neet afstompen … Hoppelijk vult der een onmundig dik pak Schnee vannacht… Dan kuw margen sleetje riejen in’t ferro bos met vage kennissen…
Dennis en ik lopen weer ophuus oppan… kep zin an warme chocolade met rum…
Pas op veur de boa’s en tut de volgende…
Winter in Gaanderen
Door: Jos Salemink en Dennis Centen
maart 2021
Beste Gaandernaren,
Het is winter in Gaanderen… Keal wat is er een onmundig pak snee umneer gekommen! Wiej kluunt deur et darp en probe-ren netjes oaver et trottoir te goan moar doar is geen begin’n an.
Um de economie an de draei te hollen, wordt alleen de hoofdweagen gestreuid met zalt en hier en doar een betje ge-schaafd… de rest van et darp mot moar zien hoe ze van huus af komp. Het is een hele uitdaging um et trottoir te begaon, expeditie mount efferest is der niks biej, umdai dan nog een paar ‘Lokals’ metkriegt um oew rugzak te dragen. Moar goed, tis extreem weer, en biej extreem weer wud dringend ‘geadviseerd’ um biej huus te blieven… das veur de gemeente een goed excuus um gin ene flikker an et infra gebeuren te ‘loaten’ doen.
Normaal keueren wiej zo rond acht uur deur et darp… moar deur de avondklok lopen wiej noe rond eatens stiet een rondje… Proaten oaver ‘koetjes en kalfjes’ geet niet biej – 15… die stoan allemoal warm op stal. Wiej goan ook noar de stal… Natte veut, met kolde kloawen, gif een snotterbelle an de neuze…
Winter 2021 geet in de boeken… Want tel moar met…:
1. Misschien dat de elfstedentocht ‘on giet’. Heel freeslaand steet op de kop!! De elfsteden-tocht (cultureel erfgoed), da mot deurgaon!! En de rest van ons dan? Carnaval, Zwarte Cross, Gaanderense kermis, Alle concerten…..? Kappers en horeca….? Wiej snapt dat ut al 25 jaor geleeje is, moar mensen tis een raar 2020 en 2021. FF deurbieten nog, en dan miskien weer met zun allen feesten in de zomer! Hol nog ff de moed derin. En dan nog… niet te vergeaten…
2. Schaatsen biej kasteel Slangenburg!! Hoe mooi is dat!? Vroeger ginge wej met stro in de klompen en een rugzakkie op de fietse naor ut kasteel, doar ginge wej skaatsen op de gracht, met un noodvaart onder ut bruggetje deur, met zun alle achter elkaar en wel op tiet bukke an-ders kon iej gelijk weer naor huus met ut snuutje kapot!…
3. Met de gebreide onderboks noar bedde… en noa een kwartier al weer uut… umdat et kreng gruwlijks kriebelen… 4. Een duik nemmen ‘naakt’ in de sneeuw met alleen een muts op.
5. Stro in de klompen. En….. Stro rum in de chocolade melk…
Zo kuw nog wel ff deur goan… ‘Veur ieder wat wils’ Zo zien wiej alweer de mooien dingen veurbiej komme. Foto’s op ut ‘Gesichtsbuch’ van aller-hande sneeuwkeerls en vrouwluj… Mächtig mooie Gaanderense natuur of de markante kerk biej zonsondergang… Eigenluk bunt wej toch beveurrecht um hier te wonen… met of zonder sneeuw…
Oja, en beste Gaanderenaren, veag niet alleen oaw eigen stroatje schoon… help mekaar and blief geduldig!!
Aju. Tut de volgende.
Winter in Gaanderen
Door: Jos Salemink en Dennis Centen
april 2021
Wie’j loopt weers deur Gaander en een fris windje weait ons dunne deur de boks. Et wil nog neet zo vlotten met et veur joar qua temperatuur… zo dwalen onze gedachten af noa de letste genoten warme zommer vakantie…. och.. das al een eeuw geleden zo lik et wel…. brrr bun der wel weers an toe…. want.. zoas een schriftgeleerden ooit zei : “Wiej wilt neet meer et water… moar et schoem tut an de lippe”. Wie’j wilt allemoal weers noar een terras…. Wie’j wilt allemoal weers noar een warm landje…. Wie’j wilt mekare weer vastpakken en knuffelen…. Wie’j hebt allemoal behoefte an vrie’jheid, gezelligheid met muziek op de achtergrond van de Traveling band die covers spult van CCR…. (Dit alles natuulk met uutzonderingen doargeloaten)
De vakantie zit der weer an te kommen en loat now net in ons mooie pittoreske Gaander een fantastisch reisbureau gevestigd zun notabene an de kerkstroat! Doe eens gek!! “Your Travel Gaanderen” is de naam en wut gerund deur Jolanda Legters… Als wiej der langs lopen steet Jolanda net an de andere kant van de weg, in de wei noar een vulleken te kieken … et dierken darteld vrolijk in’t rond… et lik wel veur joar! Al proatend kommen wie’j der achter dat Jolanda vief joar geleden veur zich zelf is begonnen, en dat ze in alle bescheidenheid al veur heel wat mensen de droomvakantie van hun leaven uut hef loaten kommen….. prachtig! Jolanda verteld dat ze deur de Corona genoodzaakt is um sinds juli 2020 tiedelijk ergens anders de kost te verdienen.. moar dat et toch langzaam wel weer begint te pruttelen in de vakantiebranche…. mensen kriegen weer zin um der op uut te goan…
As iej dit least en denk…: “Ik wil ook weers een reisje boeken…” goa dan eens biej Jolanda op de koffie.. Zie’j is op de hoogte van alle regels, kent de reiswereld en nemt oew een hoop geregel uut handen… Fijne bijkomstigheid is… : as iej doar zit krieg iej ook al dat vakantiegevoel… heerlijk! Samen met Your Travel Gaanderen kom iej tut de conclusie dat der heel wat prachtige plekjes op onze fantastische planeet te ondekken zun, per vliegmachien noar Amerika of gewoon met de fiets noar een blokhut in Oldenzaal.
Wiej groeten Jolanda en lopen weer wieter… de wind weait ons nog steeds dunne deur de boks… tis 6 graaien….. kep zin an vakantie!
Tut de volgende!
Nieje wielen
Door: Jos Salemink en Dennis Centen
juni 2021
Beste Gaandernaren…
Normaal lopen wie’j deur Gaanderen. Moar disse keer rijden wij door Gaanderen… Dennis hef nieje wielen angeschaf… en die mot natuul’k ff getest worden, qua weg ligging… Ik zeg loaw dan moar ff volgas oaver de Rijksweg høken, de kuw de schokdempers geliek ff op de proef stellen… Tis der weer bult en gat, en dat duurt ok nog wel tut de zommer.
Dennis stuurt zien bak noar Bosman an de Slakweg… door kuj tanken… en dan loat ik gelijk ff ollie pijlen… Zo kommen wiej in gesprek met eigenaar Roland… oaver hoe vrogger de eerste ondernemmersstappen werden gezet…
Mien opa, geboren in de Slangenburg vlak biej et kasteel, is begonnen met een taxibedrijf, ‘Gatax’ an de Hoofdstroat… En… hiej dee auto’s verkopen vanaf een aanhanger, woarmet hiej de hele Achterhoek bezeilde… Hier in Gaanderen waren nog niet zo vül auto’s… meneer Pelgrim en de huusarts waren in het bezit van een automobiel.
Ronald vertelt… “In de oorlog werden de wielen van de auto’s gedraaid, en begraven in het Ferrobos… dan konden de Duutsers die Fahrzeuge nicht metnemmen… Toen de oorlog veurbiej was kwamen we an de Hoofdstroat/ hoek van Roggenstraot te zitten. Eerst was dit een fietsenmakerij, moar werd raps umgetoverd tut werkplaats en showroom veur auto’s. Weer later werd van café/zaal Waarbroek een werkplaats met showroom gemaakt.
As klein kind hew ons daor regelmatig veur de ramen staon te vergapen an die mooie nieje auto’s. Misschien kunnen de wat oldere Gaanderenaren zich et nog herinneren…, achter den showroom was altiet de sommer kermis. Roland vertelt rustig verder, now woon ik samen met mien vrouw boaven de showroom en garage woar vrogger café Mijnen stond met de drie bomen veur de gevel. Vrogger koj door buskaartjes kopen… toen nog de GTW… dan mozzie tussen de keals an de bar deur schoeven um et kaartjen in ontvangst te nemmen… De tiet geet snel.
Opa verkocht de autos vanaf de Anhänger… langs de deur… now buw Kia dealer van Gaander…” “Zeg Roland… hey verder nog wensen?…” “Joa.. ik wil nog wel een keer koning worden met de kermis… Met Carnaval bunk al ajudant van de prins gewes… Prins wik nie wodden moar koning met de kermis lik mie wel gaaf… (De koning zelf hef noe et geheim verteld, dus dit joar mot et lukken). “En…” vertelt Roland… “al woon ik der niet meer, bun nog steeds trouw lid van buurtvereniging Horoda”. Wat een leuk gesprek was dit weer… wiej motten wieter… Mankeerd der wat an oew wagen, of wil iej wat niejs… goa is ff biej Roland an… Bosman. Tis in de buurt en de koffie smik goed, wat let oew?
zo… ennoe raps op huus an… Ik stap achter in de bak van Dennis… “Chauffeur… Lange Huitinkstraat straot assublief…”
Tut de volgende.
Nieje wielen
Door: Jos Salemink en Dennis Centen
september 2021
Beste Gaandernaren…
Normaal lopen wie’j deur Gaanderen. Moar disse keer rijden wij door Gaanderen… Dennis hef nieje wielen angeschaf… en die mot natuul’k ff getest worden, qua weg ligging… Ik zeg loaw dan moar ff volgas oaver de Rijksweg høken, de kuw de schokdempers geliek ff op de proef stellen… Tis der weer bult en gat, en dat duurt ok nog wel tut de zommer.
Dennis stuurt zien bak noar Bosman an de Slakweg… door kuj tanken… en dan loat ik gelijk ff ollie pijlen… Zo kommen wiej in gesprek met eigenaar Roland… oaver hoe vrogger de eerste ondernemmersstappen werden gezet…
Mien opa, geboren in de Slangenburg vlak biej et kasteel, is begonnen met een taxibedrijf, ‘Gatax’ an de Hoofdstroat… En… hiej dee auto’s verkopen vanaf een aanhanger, woarmet hiej de hele Achterhoek bezeilde… Hier in Gaanderen waren nog niet zo vül auto’s… meneer Pelgrim en de huusarts waren in het bezit van een automobiel.
Ronald vertelt… “In de oorlog werden de wielen van de auto’s gedraaid, en begraven in het Ferrobos… dan konden de Duutsers die Fahrzeuge nicht metnemmen… Toen de oorlog veurbiej was kwamen we an de Hoofdstroat/ hoek van Roggenstraot te zitten. Eerst was dit een fietsenmakerij, moar werd raps umgetoverd tut werkplaats en showroom veur auto’s. Weer later werd van café/zaal Waarbroek een werkplaats met showroom gemaakt.
As klein kind hew ons daor regelmatig veur de ramen staon te vergapen an die mooie nieje auto’s. Misschien kunnen de wat oldere Gaanderenaren zich et nog herinneren…, achter den showroom was altiet de sommer kermis. Roland vertelt rustig verder, now woon ik samen met mien vrouw boaven de showroom en garage woar vrogger café Mijnen stond met de drie bomen veur de gevel. Vrogger koj door buskaartjes kopen… toen nog de GTW… dan mozzie tussen de keals an de bar deur schoeven um et kaartjen in ontvangst te nemmen… De tiet geet snel.
Opa verkocht de autos vanaf de Anhänger… langs de deur… now buw Kia dealer van Gaander…” “Zeg Roland… hey verder nog wensen?…” “Joa.. ik wil nog wel een keer koning worden met de kermis… Met Carnaval bunk al ajudant van de prins gewes… Prins wik nie wodden moar koning met de kermis lik mie wel gaaf… (De koning zelf hef noe et geheim verteld, dus dit joar mot et lukken). “En…” vertelt Roland… “al woon ik der niet meer, bun nog steeds trouw lid van buurtvereniging Horoda”. Wat een leuk gesprek was dit weer… wiej motten wieter… Mankeerd der wat an oew wagen, of wil iej wat niejs… goa is ff biej Roland an… Bosman. Tis in de buurt en de koffie smik goed, wat let oew?
zo… ennoe raps op huus an… Ik stap achter in de bak van Dennis… “Chauffeur… Lange Huitinkstraat straot assublief…”
Tut de volgende.